«Жэлары» (Želary), маст. фільм
Фільм зроблены паводле прозы Кветы Леґатавай (Květа Legátová). Падзеі разгортваюцца на фоне ІІ сусветнай вайны. Галоўная гераіня – дзяўчына Элішка – вымушана пакінуць горад і хавацца ў горнай вёсцы, у доме землеўладальніка Ёзы. Па нейкім часе ўзаемны недавер праходзіць і паміж імі, такімі рознымі, узнікае каханне. Элішка спазнае вясковыя працу і побыт, людзей, якія, спамінаючы Бога, могуць быць добрымі і жорсткімі, як і сама прырода.
Фільм намінаваўся на прэмію «Оскар» (найлепшы неанглійскамоўны фільм), а таксама па 11 пазіцыях на «Чэшскага льва», узяў дзве статуэткі: за найлепшую жаночую ролю і за гук.
рэж. Ондржэй Троян (Ondřej Trojan), 2003 г., Чэхія–Славакія–Аўстрыя.
У ролях: Аня Ґайслерава (Aňa Geislerová), Яраслава Адамава (Jaroslava Adamová), Міраслаў Донуціл (Miroslav Donutil), Яраслаў Душэк (Jaroslav Dušek), Іван Троян (Ivan Trojan), Ян Грушынскі (Jan Hrušínský).
Каментары RSS