Госць «Белсату»

Аўтарская публіцыстычная праграма Паўла Мажэйкі. Кожную пятніцу ў студыі праграмы наш госць. Мы запрашаем палітыкаў, публіцыстаў, экспертаў, прадстаўнікоў розных грамадскіх і культурніцкіх колаў сучаснай Беларусі ды свету.

Праграма выходзіць у эфір ад снежня 2007 года. Тэмы, якія мы падымаем - важныя, госці, якіх мы запрашаем – вартыя. Гэта праграма для тых, хто імкнецца атрымаць адказы на беларускія пытанні, патрабуе доказаў, настойвае на фактах. Гэта праграма для тых, хто шукае аднадумцаў.

Павал Мажэйка запрашае вас штопятніцу а 20.30 на размову з «Госцем Белсата».
 

Павал Мажэйка – вядоўца перадачы «Госць «Белсату». Нарадзіўся ў 1978 годзе ў Гародні. У 2000-м скончыў факультэт гісторыі і культуралогіі Гарадзенскага дзяржаўнага універсітэту. На «Белсаце» – ад моманту паўстання каналу. Працаваў журналістам у газеце «Пагоня». У 2002–2003 гадах – палітзняволены. Паводле абвінавачання ў «паклёпе на прэзідэнта РБ» суд Кастрычніцкага раёну Гародні прысудзіў журналісту два гады «хіміі». У 2005–2006 гадах быў прэс-сакратаром кандыдата на прэзідэнта Аляксандра Мілінкевіча. Выдае кніжную серыю «Гарадзенская бібліятэка». Адзін з рэдактараў польскамоўнага часопісу «Nowa Europa Wschodnia», які займаецца ўсходнееўрапейскаю праблематыкай. Адзін з заснавальнікаў Руху «За Свабоду».