БРУТАЛЬНЫ ЗАХОП

Гаспадарчы суд Гарадзенскай вобласці пакараў фірму "Палёніка" новым штрафам – у памеры трох з паловаю мільёнаў рублёў. Акрамя гэтага, фірма мусіць выплаціць яшчэ 40 мільёнаў 431 тысячу рублёў – сродкі, якія яна атрымала па дамове з "Вспульнотай Польскай" на арганізацыю культурных імпрэзаў. Агульная сума штрафаў, прысуджаных фірме старшыні непрызнанага ўладамі Саюзу палякаў Анджэліцы Борыс, ужо склала 40 тысячаў даляраў.

У той час у Польскім доме дзяжурылі каля 30 актывістаў – у асноўным жанчыны сталага веку. Кіраўніцтва незалежнага ад уладаў Саюзу назвала гэта брутальным захопам. Каля трыццаці сябраў СПБ працягваюць акцыю пратэсту пад захопленым будынкам. У сваю чаргу колькасць міліцыянтаў у Івенцы працягвае павялічвацца. У мястэчка таксама прыбылі з Менску прадстаўнікі польскага консульскага аддзелу.

АНДЖЭЙ ПАЧОБУТ

СТАРШЫНЯ ГАЛОЎНАЙ РАДЫ СПБ

"Я ведаю, што яны прывялі з сабою судовых выканаўцаў. Гэта вельмі дзіўна таму, што ніякай судовай справы па Івенцы няма. Я думаю, што ўлады Беларусі вырашылі захапіць гэты дом сілаю, бо ведаюць, што калі б было юрыдычнае разбіральніцтва, яны б не мелі ніякіх падставаў".

Ян Бабіцкі, «Аб'ектыў»